關於 短期 快速賺錢 ，我們在網路上蒐集到這些相關的討論、資訊與評價

【肥胖其實是一種營養不良】

(先說明：我不認識王醫師，這一篇也不是業配哦!)

最近有個粉絲朋友推薦我一本書「增肌減脂代謝飲食法」，我本來以為這是一本和市面上其它教你用飲食減肥的書差不多，剛開始只是聽聽而已

後來粉絲(湘湘)，又推薦我看王醫師的線上課程，我看了章節介紹之後就覺得非常有意思，因為這是少見會從認識人體組成、認識營養、各種營養攝取的比例、以及從營養學看熱量和基代的迷思開始教起的減肥課程~~~

我一直以來都很想去進修營養相關課程，二話不說馬上就報名了線上課，然後三個小時的線上課實在太好看了，本來是我一個人在看，後來我老公在旁邊一聽，後來竟然放下手機遊戲，跑來跟我一起上課，後來我們二個人很瘋狂，熬夜把三個小時的線上課程一次看完~~~

真的是太好看了!!👍👍👍

裡面有一些理論，真的顛覆了我以前的想像

例如講到「營養不良」，我們以前都以為是瘦的人才會營養不良，其實「胖」也是因為營養不良啊~(登楞!)

王醫師說，營養不良分成：總熱量攝取不夠造成的營養不良、和某種營養素攝取不夠造成的營養不良~

所以如果有一天媽媽、或是老公嫌你胖，你可以拿出王醫師的影片，很認真的跟他說：「我是營養不良!」 (誤)

為什麼會營養不良呢?肥胖的人應該是營養過剩吧!

王醫師說：其實是因為肥胖的人，某些營養素攝取不足導致

她更舉出了相關研究和報告來驗證這樣的說法。

她說：現代人的營養不良和地球的環境變遷有關， 日本文部科學省公布的<日本食品標準成份表>發現：2000年的時候，蔬菜裡面的營養素，只有1950年的1/5‼️

1950年的波菜每100克中，含有150mg的維生素c，到了2000年，每100g的波菜中，只有35mg的維生素c，鐵的含量從1950年的13mg，到2000年只有2.7mg~~ (看到這數據我有嚇一跳!)

最主要和人口急遽增加、現代化農業愈來愈發達、化學肥料過度使用，使得土壤中的營養素愈來愈少，以及土地濫採、濫砍、污染…等，讓土壤貧瘠化有關~~

土壤沒有營養，
長出來的蔬菜營養素當然會變少~~😮‍💨

除了菜，現代肉類其實也沒有以前的肉類營養

因為現代人喜歡吃油花多、軟嫰口感的肉，所以現代化的畜牧工業的目的，就是讓肉牛、肉豬、肉雞在短期內長大長胖、快速賺錢~~

可是一但肉的脂肪量上升，它裡面的營養素也會加倍流失~因為高脂肪不利於所有營養素吸收~

這也就說明了，為什麼很多胖的人反而會貧血?因為會脂肪也會抑制腸道對鐵質的吸收，所以導致愈胖愈貧血、愈貧血身體愈虛，身體愈虛阿媽幫孫子愈補愈多…造成一種惡性循環

所以，肥胖的人，其實吃對營養比例，是有機會調整回正常體態的!

我一直以來，都滿推崇營養均衡的飲食，覺得其實只要從原型食物中攝取，就不需要額外添加營養保健品，加上我懶，也不太愛吃瓶瓶罐罐的保健品

但自從上了王醫師的線上課之後，其實對這想法有點改觀了!!也許有必要重新思考一下，為達到平衡且健康的身體狀態，如何適量攝取營養輔助品

其實這堂課我真的覺得學到好多，也因此買了王醫師的書回來研究(不過書的理論更艱深，需要花更多時間來消化就是了~~)

照片是書一到家，豆豆竟然比我還愛看~~ 😅

因為裡面有急診女醫小實醫師畫的漫畫~~然後他竟然有一天看完跟我說：「媽媽其實菜吃太多，也會養出一群愛碳水化合物的腸道菌哦!」

我哩咧~~這如果去上課，被老師聽到，老師可能會想說這小孩到底防疫在家都在學什麼啦 😂

不過王醫師的書和線上課程中有很多很重要的腸道理論，例如：
#你的身體不是你的
#你想吃不是你真的想吃
#而是你肚子裡的腸道菌想吃

這些都滿有趣的，
等我消化一下學習心得，
再跟大家一起分享哦~~

王姿允醫師。我的無齡秘笈。 急診女醫師其實.

【龔成問答信箱】（Q20821-Q20840）

Q20821：

老師你好，我係你學生，先多謝老師的回覆，我又長知識了

但始終对數字背後意思不大了解

老師有提及 要考慮
1. 過往及將來經營環境
2. 為何產生這個生意和盈利

這些可以從那裏看到？ 財務報告及年報 ……

這樣又要從頭多看幾次 慢慢去領會

另外再想問，在上課時老師有提及#270 粤海投資也是一隻不錯的收息股 但股价一直偏高

跟據課堂提供數據
1. PB 1.6 -1.8
BV 6.765
估值 10.8 - 12.17

2. 用10年 PE 中間數
PE 12 - 16
2020 eps 0.6898
估值 8.28 - 11.03

3. 按派息 4 /5 /6%
2019 Yield 0.5894
估值 14.72 / 11.78 / 9.8

其實用那個方法去評估#270最合適？

請老師 比些意見

龔成老師︰

我所講要考慮「過往及將來經營環境」和「為何產生這個生意和盈利」，是想你睇成件事要長線咁睇。

這些資訊，會係年報、新聞、官方網站等地方見到。有時你未必睇1隻股票可以知道成個大環境，可能你睇多幾隻同業年報，會較易得出這個大環境的概念。

另外，我地睇數據唔好單單集中係某一年，你要睇之前發展係點樣。點解會發展到今日咁樣，而將來發展會唔會維持這個走勢。

如是，你係間較平穏架企業，較易透過過去一段時間資料，預期佢將來發展走勢，從而推斷出將來盈利。

但若果係較有潛力公司，就不能太著重過去，要將未來因素睇得重一點。

至於粵海投資(0270)這類企業，你用PE和股息去做估值，會較適合，PB都會用，但只是輔助性質，因為當我地考慮企業價值時，主力一定是企業將來的業務情況，而資產價值方面，只是一些現時的情況，因此，我地會以市盈率及股息率作為估值的核心。

而這企業，你同時用3種估值方法，可以，因為佢擁有的資產都是有價值的，同時佢的盈利情況，會因為佢擁有多少資產，而有所關連。

所以當市場衡量佢值多少錢時，的確會同時考慮佢的資產價值，但就不是核心，只是一個轉助因素。

當我地估值時，好多時會同時運用多種估值方法，這如同不同的角度去衡量一間公司價值多少，所以，唔會話只用一種估值方法，而是配合運用，只是角度問題，以及比重的問題。

你所計算出來的估值，三種方法，大致都有根據，都掌握到課堂所學，運用上基本正確，你可以以市盈率及股息率作為核心去推算企業價值。

粵海這股，現價算係合理區較中間位置，有長線投資價值。

------------------------------------------------

Q20822：

阿sir，我係你學生，睇六福個年報嘅資產負債表時，見到上年同今年嘅分別係今年多咗一項使用權資產，呢個上堂我聽得明。

但佢同時又無左一個土地使用權，數目無左，點解？

龔成老師：

你可以睇翻六福（0590）的年報，當中的附註17，有解釋到，主要是由於新的會計準則，出現一些入數的影響。

------------------------------------------------

Q20823：

老師你好，我睇完你的書，獲益良多，亦發現我之前買賣股票都沒有定止損價，亦沒有去研究公司企業內容就決定購買，結果導致輸多贏少的結面

我好耐之前買左一隻股票842，我當年買價格十分高要$4.5一手，但係我一直沒有放棄，岩岩睇左關於此股的資料

明明佢業務有所增長亦努力改善中，為何股價仍然是不會升呢

問題2，我現在股票係1/3，現金係1/3，基金投資1/3，請問這樣操作可以嗎，其實我想將現在股票轉月供，但無奈全部都蝕緊，又不能咁做，你會有更好的建議嗎

基金期係15年

我想請教你仔仔利是錢有5萬蚊買月供股票好還是派息基金好呢

龔成老師：

1）理士國際（0842）主要在中國從事鉛酸蓄電池製造及開發，產品可分為備用電池。

例如應用係ＵＰＳ、電信通訊、其他消費類及可再生能源四個領域）、起動電池及動力電池（應用於電動車，包括電動自行車、低速電池車及叉車。

業務不過不失，生意都有增長，但盈利有點不穩，同時持術未算強。ROE亦處於不高的水平。

這股投資價值只是一般。如果你持貨多，不如見佢上多少少就減持部分先。這股增長力唔強。

2）其實都算平衡的，不過，基金有好多類，要睇翻你持有的基金類別、質素、過往回報等。如果有利是錢是長線投資，最簡單是投資盈富（2800），你分幾次買入就得。例如每3個月自行買入一次。

------------------------------------------------

Q20824：

你好，之前用人生大半積蓄入了10手華潤 (均價$67.5) 及10手信義光能 (均價$18.3)，近期跌了很多。請問中長線有機會升回嗎？感謝

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

如果你只集中持有2隻股，這是一個高風險行為，你要調整翻組合。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區頂，你可長線。但要睇機會減持，平衡翻整個組合。

至於華潤？是那一隻，號碼是？

華潤系的股票一般都不差的，相信問題不大，但你持貨過多就要調整。

------------------------------------------------

Q20825：

成哥，想請教一下，本人36歲，將會結婚，已用去了大半儲蓄，

而從前無留意你的指導，在高價位買落了以下股票，想問一下我應該怎樣部署？在較高位放了，換回優質股？

0005 滙豐 $51.75 800股
1357 美圖 $10.46 2000股
8473 彌明生活 $0.73 20000股

看了你的投資理財觀念非常好，現在已不斷儲蓄(每月儲$6000)，之後想作月供股票，保持增值，以下組合可以嗎？

盈豐2800 - $3000
港鐵 0066 - $1500
太古 1972 - $1500

龔成老師：

匯豐（0005）是收息股，未必適合你的年齡。你可以等佢股價上翻D，轉其他。

美圖公司（1357）過左最差時期，現時正向好。

佢主要從事提供在線廣告及其他互聯網增值服務；以及開發、製造及銷售智能硬件產品。

見佢財務數據改善，這企業仍有發展力，有長線投資價值。不過業務變化始終大。同時，要上翻你當時高位，難。

這股暫時可持有住。

彌明生活百貨（8473）業務不過不失，發展能力中等，不是高增長的類別。

以佢現時的經營情況，算是合理價，但這股始終規模不大，加上近年的盈利有下跌情況，存有風險，因此不建議太大注。

另外，政治相關因素，都會令這股波動，要明白股價風險，政治因素是好難預測的。

至於月供的3隻股，都是有質素，可以長期進行月供。

------------------------------------------------

Q20826：

龔成老師，你好！本人38歲，想年年投放15萬入去，

6882 - 10萬股0.48入
6060 - 300股58入
272 - 6000股1.31入
308 - 4萬股1.2入
1766 - 1萬股3.93入

1800 - 1萬股3.86入
390 - 8000股3.91入
1186 - 8500股5.8入
769 - 12000股 1.25入
669 - 500股125入

這樣可令組合每年增值15-20%嗎？
或需早早換碼

龔成老師：

如果要每年有15%的回報，你要投資較高增長力的類別先得（當然，風險度都會增加，你要自己衡量）。

東瀛遊（6882）、香港中旅（0308）會因疫情減去而股價好轉，但睇翻佢疫情之前的業務情況，其實唔見得特別好。長期增長力不足。

眾安（6060）都有潛力的，不過要控制注碼。

瑞安房地產（0272）增長力不足。

中國中車（1766）、中國鐵建（1186）、中國中鐵（039）、中國交通建設（1800）都是相類行業，而長期的增長力，未算強。

中國稀土（0769）有危有機類，自己衡量風險，唔好大太注。

創科（0669），有質素，可長線。

------------------------------------------------

Q20827：

龔成老師，你好！本人38歲，想年年投放15萬入去，

6882 - 10萬股0.48入
6060 - 300股58入
272 - 6000股1.31入
308 - 4萬股1.2入
1766 - 1萬股3.93入

1800 - 1萬股3.86入
390 - 8000股3.91入
1186 - 8500股5.8入
769 - 12000股 1.25入
669 - 500股125入

這樣可令組合每年增值15-20%嗎？
或需早早換碼

龔成老師：

如果要每年有15%的回報，你要投資較高增長力的類別先得（當然，風險度都會增加，你要自己衡量）。

東瀛遊（6882）、香港中旅（0308）會因疫情減去而股價好轉，但睇翻佢疫情之前的業務情況，其實唔見得特別好。長期增長力不足。

眾安（6060）都有潛力的，不過要控制注碼。

瑞安房地產（0272）增長力不足。

中國中車（1766）、中國鐵建（1186）、中國中鐵（039）、中國交通建設（1800）都是相類行業，而長期的增長力，未算強。

中國稀土（0769）有危有機類，自己衡量風險，唔好大太注。

創科（0669），有質素，可長線。

------------------------------------------------

Q20828：

龔sir 京東健康192 有重貨，現在應該溝嗎？但係現金不多，無咩力溝，應該點做好🥲心急人上

龔成老師：

如果重貨，唔好再加了。

我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

京東健康（6618）由京東（9618）分折出來京東健康，將會來港上市。這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，暫時合理區頂至略貴。你唔好再加注。

至於原有的貨，如果佔組合%太多，最好減持部分，等你唔好過度集中。

------------------------------------------------

Q20829：

龔成老師，真係好感謝老師一直以來分享咁多有關金錢、社會、投資既財商知識。

幾乎你出既每本書都睇晒，令我比同齡嘅同學對金錢或者資產嘅概念更深入理解（當然我亦都會繼續學習）。

但係都想講聲唔好意思。距離上次喺依度問你問題之後，我被一啲所謂嘅「快速賺錢」等其他所謂嘅投資導師吸引而冇報到你既股票班。而依一年不斷轉投資方式（跟唔同嘅「大師」時間），我發現自己原來錯過咗好多好好嘅機會。

下面係大部分睇完你既書或聽過你上次既解答而作既投資，但係受「誤導」錯過既優質股票。

。港鐵（0066）$37x3000股
。領展（0823）$60x3000股

上面兩隻股票最終都係係好接近嘅價格賣出左，主要係受坊間所謂大師嘅誤導（一啲提倡短期炒賣嘅）

不過值得慶幸嘅係，我多多少少都明白到投資既正確態度並唔係炒炒賣賣而係持有一間公司（正如你經常強調嘅概念）

目前我雖然仲讀緊final year 但係目標一值無變：5年內有百萬資產。

下面幾隻股票係我目前看好或者我本人都想經營嘅生意，想問吓你嘅看法。（其實大部份都係睇你嘅書YouTube Channel等等睇返返嚟嘅優質股票）

。金沙（1928）
。小米（1810）
。醫思醫療集團（2138）
。平安好醫生（1833）
。安恆科技（3067）

當然！今次會報名參加你既投資班，學習「正確」的投資觀念同技巧。

補充：距離上次問野依段時間 現金儲蓄：增加至200K
半年前開始左網店生意副業
今年為自己定下增加100k資產
衷心感謝你，睇完你既書同片，「決心」實現夢想

龔成老師：

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

其實大部分投資者，最初投資時都會行錯路，有人會醒，有人唔會醒。你現時已行正確的路，我地跟翻巴菲特的方法最正確（因為佢最賺錢）。

現時你持有的5隻股票，都有質素的，不過潛力類股有少少多（唔係唔得，因為你年輕，但你都要明白這動作有風險的）。

整體上你方向正確，保持進行就得。另外，留一定的現金等機會，都是重要的。

我相信你完成5年目標，可以的！加油！

------------------------------------------------

Q20830：

老師你好,,我係你新FANS,,求指教指教

本人31，現在供緊一層樓，生仔計劃中，每月扣除家庭必要開支，只有10000剩。

睇左你之後,,好認同你既概念，如:財務自由, 買股係買企業,,唔好齋諗唔做,,月供股當儲錢。

中期目標: 3-4年內儲100萬，長期目標:10年內買第2層樓。(300-400萬?)

1. 開支大令本金太少，我短期目標應該點定立好呢?

每月剩10000
5000供股:
2800 @2000
0027 @1500
1997 @1500

5000儲現金

2. 成哥你覺得點?

3. 年尾花紅儲左20000, 最近入左6666, 18.8入2手,,坐下好嗎?

以前唔識死,,玩牛玩輪,,輸過,,買下騰訊美圖賺少少,,發覺自己都係好似賭錢咁,,學你話齋,,根本唔夠知識,,簡單D講就係跟人玩。

而家好想好似你咁,,一步步達成財務自由!
感謝賜教

龔成老師：

1）你31歲，是事業發展的黃金期，我相信你可以從「提高長收入」著手，想想自己事業方向，有那些方法提高收入。

因為你將來可能會有小朋友，支出會進一步增加，要從「控制支出」著手會較難，因此，要思考提高收入的方法。

2）月供部分及比例，大致可以。但你31歲，其實可以進取少少，例如將1997轉為3067，長期月供，提高長遠組合的增長力。

3）恒大物業（6666）其實都有質素，有長線投資價值。

佢係物業管理服務運營商，佢係中國物業服務百強企業中，以項目所覆蓋城市數目計，佢排名第二，如果以總收入、總毛利及總淨利潤計，排名第三。

類別為中高端住宅物業、寫字樓及商用物業，並已訂約管理其他物業類型如主題樂園、產業園、康養項目、特色小鎮及學校等。

佢絕大部分物業管理服務收入，來自集團控股股東恒大集（3333）所開發物業提供的服務。

有貨可持有的，不過現價唔算平，唔好再心急加注。

財務自由，我地未必能一下子做到，但就可以一步步完成。加油！

------------------------------------------------

Q20831：

龔sir 多謝你一直無私嘅分享，想請教下你嘅意見，我應該點樣理財規劃？

我35歲，月入40k，開支有供樓、家用、交通費等。每月約儲到10-15k。草根出身，與家人夾份買咗1個居屋單位 & 車位，自住自用（用我個名），同家人同住。

投資初哥，買咗少少股約值26萬，
金沙 $28.4買入
置富 $7.36買入
TSLA usd$675買入
Twitter usd$70買入

剩約40萬現金，請問應該如何配置現金 & 股票呢？有否其他投資策略建議
感謝龔sir回覆。

龔成老師：

現時的股票，都有質素的，你長線持有就得。

你這年齡，持有平穩增長股+潛力股可以，平穩增長股比例可多少少，如果你有一定的投資實力，潛力股比例多D都得。

至於現金$40萬，你可以動用$20萬，但唔好一次過投資，要慢慢分注買入。

平穩增長股：考慮盈富（2800）、VOO。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）、QQQ。

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q20832：

想問問如果有200萬現金， 每個月可以儲蓄2萬，住在已供完的居屋，想10年後財務自由。

請教買樓(收租)投資好，或是買派息股票好呢？ 那種投資回報高呢？

工作很忙，沒有時間睇住股市。

龔成老師：

由於買樓有點勉強，因為你目標想10年後財務自由，如果買樓按揭要完成這目標較難配置。

因此，投資股票會較適合。

你可以在這10年，投資「平穩增長股」+「收息股」，到10年後，再將平穩增長類股，轉為收息股，集中在現金流。利用這10年做好「基本增值」。

收息股組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

平穩增長股：你可以考慮盈富（2800）、銀娛（0027）、恆基（0012）、港鐵（0066）、中銀香港（2388）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

暫時，你可以動用$100萬，分注投資上述股票，慢慢買入。

餘下資金，就管大跌市先動用。

------------------------------------------------

Q20833：

老師你好，求指點！ 本人40歲，現在大約有現金$30萬，想問下現在應該再入貨嗎？我想在5年內增長多有$50萬，有可能嗎？麻煩幫我分析一下！如果入應入邊隻好？

同埋邊隻應止蝕走，萬分感激
本人持有以上股票：

175 2手@31.6
860 7@$0.635
1448 5@$7.98

2382 1 @$207.6
3067 20@ $21.8
6690 10@$33.84

龔成老師：

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

上述持有的，基本上都有質素，可長線，無問題。

力世紀（0860）要注意，佢一直處於年年虧損的狀態，而我地對這類股好有戒心。

我地只可以對佢的前景作「想象」，無人知真正的價值有幾多，股價一定會大上大落。見佢之前有做個十合一之類動作，這類股票要小心。

整體而言，此股好難分析佢價值，投資風險較高，小注持有好了。

$30萬，暫時只建議你動用$10萬，以你年齡，可投資平穩增長股+潛力股，而平穩增長股應該佔比多D。

你可考慮恆生科指（3067）、吉利（0175），如果舜宇（2382）及福壽園（1448）回翻D都可考慮。

當然，你可以同時考慮其他股，建立更平衡的綑合，盈富（2800）、港鐵（0066）、領展（0823）都可考慮。

------------------------------------------------

Q20834：

老師～～最近入左雷蛇，平均價系2.83，回落左好多（佔組合10%，）上落好大，但我又覺得佢有潛力，覺得佢好有諗頭同多元化，將來應該有得發展，因為我打算長揸的

如果佢再跌落去我應唔應該加注，定係就咁揸住等佢長遠發展？

暫時組合：平穩增長股佔65%，潛力股佔25%，高風險（雷蛇）佔10%，今年33歲。麻煩老師了

龔成老師：

雷蛇（1337）有潛力，但本質好波動，盈利不足，所有的市值，都只是基於「將來預期」去產生，這個預期可以變得好快，因為大家都只是「估」。

同時，電競行業的真正營運模式，賺錢能力如何，充滿了未知數，一個遊戲可以好受歡迎，亦可以好快無人玩。

另外，佢近年都有發展一些新興業務，潛力度有的，但仍左有不確定性。

因此，這股有前景，但有風險，無人知真正的價值。而佢另一些業務較是較新興，同樣有危有機類，所以，佢有可能有潛力，但風險方面就要注意。

你現時持有10%，其實已差不多了唔建議佔組合比例太過多。

至於組合的分配比例，無問題。如果你有一定的投資實力，潛力股比例可以增加。

------------------------------------------------

Q20835：

你好 我都好想做到財務自由 我一直都有留意你文章 我今年已經35歲 工作十五年 最近辭咗職 因為父母年紀老 佢哋想我出嚟接手舖頭工作

但佢哋每個月只會俾七千蚊我 我一向都無儲蓄習慣 手上供緊幾份保險 巳經無左一半人工 有兩份供多一年就已經供完

以我現時咁財政狀況 我係咪已經無機會做到財務自由 我只想到老時候 有啲錢俾自己用 眼見舖生意很差 想問下老師你有咩意見俾我

龔成老師：

如果你每月只有$7000，的確得難利用投資去做到財務自由。

不過現時你已接手舖頭工作，這是一盤生意，如果運作得好，每月有一定的淨現金流，加上如果能去到「生意自動運作」的模式，令你在將來可以跳出來，其實都等同如財務自由。

所以，你現時要想想，怎樣令店錯的生意好轉，是因為現時經濟短期不景，還是有核心問題？能否改善？能否轉營？如果店舖有核心性的問題，就要變，或結束。

你長期收7000同時無發展只會浪費時間。

------------------------------------------------

Q20836：

龔sir 你好 我有事情想請教你 聽下你意見

資料背景：我（35）先生（38）共同生意，平均家庭月入：28-32萬，而家生意做左三年，我同先生終於可以完成 第一層樓既目標喇

（我地目標係兩樓一鋪~努力中）
我先生專注於事業，而我較專注於將營利再投資，兩公婆各有各功能。

因朋友移民 所以賣樓套現。
我地用860萬 幫佢購入 廣播道 實490連車位 作投資收租用。

因做生意關係，我地會做六成按揭，而朋友又唔急住成交，所以我地計劃 7/8月成交

想請教下，

1，仲有幾個月時間，可否將250萬餘下首期 用作投資收息用？ 風險是否太高？

2，我地股票戶口有約190萬左右： 6，1038 ，66，270，823，659，2388，1928，1211，175，700，9988，3918，1177，3319

想問如果想賣出套現，現今情況該賣出哪個？ 因全部都好優質（我覺得~）好難選擇

暫時帳面有18%增值，未計收息。

這個成績還可以嗎？因我已是你的進階班畢業生~
但我覺得自己增長度仍然好慢，未見理想。

我信心還不夠，好多時候未夠信心加大注碼。（因我內心時想著要留錢做首期，不敢太大動作）
希望下次大跌市，自己可以做得好啲，越嚟越進步啦
（我真係好期待跌市，雖然我有貨係手~）

3，而家有時會覺得自己好孤單，唔知點解 唔敢同朋友講依啲問題，亦都唔敢同朋友講買樓問題甚至乎講金錢既事。

我都明白做自己 甚至乎做好自己就好，但唔知點解 對住朋友 我都想收埋自己多啲。

我驚自己講既野，自己既現況，令朋友覺得我扮哂野，扮叻咁

所以，好多謝你既出現。

其實因為我幾年前睇左你本（財務自由行） 第一本睇你既書。

先發現原來買樓唔係想像中咁難實現。
而家我同我先生終於實行到喇～ （你係唯一一個分享到既人呀）

下一個目標，我記得你上堂都有提過，就係黃竹坑站既盤喇。

希望下次我可以分享到比你聽我又完成目標啦⋯⋯

你每日既努力 真係可以默默鼓勵到好多年輕人架。
加油！希望你咳少啲
最後，抵你咁靚仔既。香港鑽石級荀盤呀你！

龔成老師：

1）當然有風險，所以唔建議。你都見到近期大市上落可以好大，無人知你要用資金時的大市情況。因此，建議你持有所需現金，有餘下資金先用作投資。

2）的確，全部都有質素，如果要賣，可以找一些增長力相對較一般的，以及佔你地組合比例太多（可以賣部分）。

例如賣電能（0006）、長建（1038）、新創建集團（0659）。

你現時的投資成續不差，選股正確，你保持這個方向進行就得。完成買樓過程先，之後先重新建立翻股票組合。

3）這是正常的，唔係個個對投資有興趣。同埋，你講太多自己可以買樓等等的事，有D人就會唔中意你，這點我都明，所以我先唔出樣，就係當你不斷向上流，而D朋友無法同一狀態時，你太過講自己野就未必是好事。

其實，你地現時的生意收入不錯，應該將較多資源，投放發展生意，小部分資金就投放在股票物業去平衡財富，我相信長遠對你地最為有利。

加油！期待你下一個目標的完成！

------------------------------------------------

Q20837：

老師你好，本人一直在老師Facebook page吸收你對價值投資和長線投資概念，深感認同，多年來投資的股票都傾向行業內較有規模的，但有些股價暫時不太理想，想請教一下以下股票意見，謝謝老師。

中國中車 1766: 在南北車合併前已持有，合併後不知為何股價會大跌，在低位溝點貨，
平均價大約11.x左右，老師認為我該再買點貨再溝淡嗎？

碧桂園 2007: 都是以前在較高位15.x左右就持貨，之後跌至9.x左右繼續溝貨，平均價約11.31左右，暫時股價升幅不大，我該守候還是再溝點貨？

華虹半導體 1347 和比亞迪 1211: 暫未有貨，留意到國內電動車市場正在發展，但最近新經濟股又常受美債息率影響股價，不知何時是入市良機，望老師指點現價是否合理或較貴。

百威亞太 1876: 在23.x左右買入，老師認為這股票值得長期持有嗎？

阿里巴巴 9988 和 明源雲 909: 國內科網興盛，想投資參與這一趨勢，見一些大型投資公司都有持倉，但新經濟股股價反覆上落較大，老師認為這兩隻股票現價理想嗎？適合長期持有嗎？

中建材 3323 和中聯重科1157: 國內基建持續發展，老師認為這兩股票現價理和。適合長期持有嗎？

之前已參考老師的其他post建議買入金沙、中生製藥，股價進展理想，謝謝老師。

另外資產組合有匯豐0005和九龍倉1997這類傳統經濟股。

不好意思，遺漏資金內容，股票户口內總資產組合二百萬，現只剩76萬現金，該分注再投資還是待機再入市？

龔成老師︰

首先，我想你明白"溝貨"與"分注"的分別。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話，你可因應平貴和質素，去進行。若是"溝貨"，就不是再入貨，因為再平，都只會令你增加風險。

現時大市在合理水平，你76萬現暫時不要用，去等大回調出現，才入貨。

中國中車（1766）的本質不過不失，但增長力不強。在2015年，這股曾經熱炒，並處於貴的水平，其實市場發現佢原來只能平穩增值，業務不會高速增長，所以股價回落至合理水平。

其實，這企業的業務一向都是平穩增值，只是市場對佢有過高的期望，現價合理。

碧桂園（2007）負債不輕，風險較大，唔好太大注。

比亞迪（1211）長線發展正面，但現價偏貴，回到$120倒會較好。

華虹半導體（1347）同樣有質素，但現時估值有少少貴，如果投資，最好回翻D先。或小小注買入後等跌先正式入。

阿里巴巴（9988）算係合理區頂，可分注。

明源雲（0909）初步分析，處貴水平，值博率未算強，始終市場現時對這類股有好大期望。只可以話，如投資，小注可以，長線可以。

百威亞太（1876）、中國建材（3323）、中聯重科（1157）、匯豐（0005）和九龍倉（1997）都質素，但你預佢地增長力係較平穏。特別係匯豐（0005），佢主要係收息，若你係較年輕就不宜持有太多。

------------------------------------------------

Q20838：

你好龔sir, 本人42歲平均月入62k而每月開支包括供樓+雜費around 26000, 有一小朋友（年纪尚少）有一物業（未供斷，想看情况搬大些），對股票投資不太認識

過去偏重現金儲蓄來累積財富亦有月供基金10年左右應不應暫停轉到其他更加有𧹏力的地方

原因只得2厘回報. 2019亦開始每月6000供盈富.平鈞價 $26.5
呢2個月跟你建議分批入左些3067 @18.75（打算 每月固定入三手）。
你㸃睇？

中银 2388 [email protected]
必瘦站 1830 12000 4.67
長江基健 1038 1000 43.25
香港電訊6823 5000 10.62
港燈2388 5000 7.62

睍時持有的股票有没有需要裯整？
有以下問題想向龔sir請教
另外有現金流200萬想開始作投資 應該是什麽有潛力同時又懚陣？阿里，小米，
比亞迪仍然建議持有嗎？

2.現時每月7000月供基金想cut, 原因供了10年時間亦没有明顯增長. 主要因為信人話

貿易戰被開但個市不论斷地升已錯左了二次升浪，而家想MPF 都仲有20年時間係咪應該
全放返出來到中國体或美國等地投資

龔成老師︰

月供基金如果只有2%，增長力度唔係咁理想。就算你簡單只買一隻盈富（2800），拉長計每年平均增長都有約8%。

你現時用這個月供股票計劃，係可以。但大市只在合理區，每月儲蓄唔好用晒，要留有部份，等大跌市。

以你現時人生階段計，應以"增值"作為重點。香港電訊（6823）和港燈（2638）主要係收下息，唔會有太大增長力，不宜持有太多。

以下這些股票都適合你。你可以用佢地造一個組合，當中以平穏增長股為主力。

平穏增長股︰盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、長建（1038）、粵海（0270）、領展（0823）、或
潛力股︰港交所（0388），中生（1177）、福壽園（1448）、安碩恒生科技（3067）、阿里（9988）、騰訊（0700）。

現時大市只是合理區，200萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於MPF，我地管理方法好簡單，就是按你的人生階段而作調整，年輕時較進取，中年時平衡，年長時保守。

你現時應該投資「平衡分配項目」，到了更大年齡時，進一步調低風險，慢慢將組合中，較高風險的項目轉到低風險，慢慢進行就得。

我自踏出社會工作後，強積金都100%恆指的，我當時公司選的強積金公司，有隻基金好簡單，就咁完全追蹤恆指，所以我就選左果隻。

------------------------------------------------

Q20839：

老師，又要多謝你先，上年1211升到7/80蚊時有有問過你好唔好放，你建議長揸。

依家見到1211有成300%回報，重點係我未供夠一手都有咁嘅回報！

真係完全感受到潛力股嘅威力。我手上仲有2隻舊經濟股（66，823）

喺最近嗰市咁波動下都唔係大跌，真係風中勁草👍🏻👍🏻

因為1211現價太高，已經停咗月供，見老師之前都有推過好幾隻潛力股

諗住揀一隻作月供，因為資金唔多同參考返1211經驗，月供金額太低

要長時間先可以儲到多嘅股數，所以想調整下月供計劃，以下是現在手上持有的組合

2800 （1052股，26.76均價）
66 （664股，42.158均價）
823 （232股，67.78均價）
1211 （405股，47.15均價）
1810 （561股，28.62均價）
9988 （100股@216）

之前都供得有啲散同金額低，所以諗住停供以上股票，改為供1-3隻，我依家30歲，
比較適合高增長嘅股票，700/2382/388/1177/1448都好鍾意

如果只可以揀一隻供應該邊隻好啲？ 定係供3067+2800+1177

每隻供2000，咁嘅組合比較好呢？

龔成老師︰

所以，你必需記住長線持有優質股，才是最佳增值方法這個道理。

月供方面，你可以盈富（2800） + 1隻平穏增長股 + 1隻潛力股。或者進取少少，盈富（2800） + 1隻潛力股各$3000都可以。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或
潛力股︰中生（1177）、福壽園（1448）、小米（1810）、安碩恒生科技（3067）、港交所（0388）、阿里（9988）、騰訊（0700）。

現時大市只在合理區，每月儲蓄唔好盡用。最好留有部份，等大跌市出現時，可以用來掃貨。

------------------------------------------------

Q20840：

我想問下我月供盈富$2000，金沙$2000，潛力股3067 $2000，這樣可以嗎。

另外想問問老師我有1手1024 351蚊和阿里1手 251蚊，這2隻我可守嗎，還是去到什麼價位再入注

還有老師澳門會有堂嗎
謝謝老師

龔成老師：

可以，這些都是有質素的股票，你可以進行月供，長線投資。如果澳門月供手續費較貴，或有些股無得供，你就自行分注，例如3067每2個月買入1、2手都得。

至於快手（1024）及阿里（9988）都有質素，你可長線。由於快手較波動及仍貴，因此唔好太急加注。阿里現價合理區頂，可小注。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q15541-Q15560）

Q15541：

阿Sir你好。我做緊你比你的功課，睇緊金少中國，睇5年財務數據時
1.) 流動負債小過流動資產是看"資產總額減流動負債"這項嗎?

2.) 如何判斷企業是否負債的增長不過快?

3.) 如何判斷企業管理層是否理性?

4.) 如何判斷企業經營效率是否高?

5.) 股本回報率高到那水平才算高?

龔成老師：

1）你要將流動資產數目，減去流動負債的數目，要求正數。又或者，你找出一個叫「流動資產淨值」。

2）你分析翻企業過往的流動負債，以及長期負債，了解翻會否數年間增長超過50%，如果超過，要睇翻資產是否有一定的增長，去抵償到負債，同時，如果本身的生意有一定的增長，可能可以接受的。

3）你要睇翻5年的年報，了解管理層過往所講，當年是否做了理性決定，以及當年所講的計劃，到今天是否實現。

4）可以從一些財務指標，例如毛利率、純利率、股東權益回報率著手，比較翻同行，分析該企業的比較是否較同行為理想。

5）12%是基本要求，你可以用這個作為參考，分析時，最好睇長期的年份。

------------------------------------------------

Q15542：

老師你好，想請教你關於股票問題。

我已持有2186和410快兩年，就是在恒生指數差不多30000時候買。這兩股的前景好像愈來愈差，我應該忍痛割嗎？

龔成老師：

綠葉製藥（2186）質素的確有少少轉弱，但不是全無質素，不過，這股本身的風險較高，唔建議投資得太多。所以，如果你持貨太多，應該減部分。

至於ＳＯＨＯ中國（0410），質素中等，增長力不強，加上中國經濟轉弱，對佢都會有影響。你預要上翻高位不易，可以等上翻多D時賣出，這股又未去到無質素的水平。

------------------------------------------------

Q15543：

龔成老師
想請教

本人於高位73蚊入咗匯豐
現在見低位

應否曾持溝淡? 還是 止蝕放走?
它是不是優質股?

感激指教

龔成老師：

唔好因為想拉低平均買入價而加注。

匯豐（0005）是收息股，增長力不強。

你要計算翻，收息股現時佔你組合的比例，是否適合，如果你本身想增值，這股就未必適合你。另外，單一股票不能持有過多。

同時你要分析翻，你增加投資的資金，將來會收息，這股息是否期望？由於增長力不強，這是否你這筆資金的目的？

------------------------------------------------

Q15544：

龔成老師，你好。本人初哥，未買過股票。想試下月供股票。會供三千到五千。大概五年。

請問買邊一隻好。有什麼要注意呢？ 例如咩時間買，幾時先可以放？謝謝你

龔成老師：

如果是初階投資者，最好是供ETF，一些指數的基金，例如盈富（2800），因為可減少了選錯股的風險。這已經是一個基本不差，平衡的組合。

月供股票是長期進行，基本上已經可以開始，總之保持每月都供，唔好理會中短期的市況就得。

至於供幾耐，最好是5年以上，唔好太心急想幾時放，保持長期進行，對財富增長最有利。

------------------------------------------------

Q15545：

hi 老師：有個問題，全家收入40K，我(age 47)+老婆＋仔(中一)，有樓，市值8M, 供完，無負債。

生活支出連供養父母約18-20K，現金現時不多，只有300K，不懂投資，只係早前以$7X 和 $6X時買了 4 手005，另外各一手 823 / 1299 / 3690

資金不多，有乜可能做？ 退休極憂，好似無乜希望。

龔成老師：

雖然利用加按物業，將資金去投資，都是一個方法，但由於你投資知識不多，加上這刻不算時機，因此，唔建議這刻做。

所以，暫時只會從你的收支及儲蓄方面著手。

現時持有的股票，都可持有。但分配有改善的地方，這可以在之後的投入方面改善就得。

暫時，你最好做月供股票，投資平穩增長股。

當我地進行人生財富累積，會運用「先增值，後現金流」作方法，初期投資較多增值類資產，後期則應投資較多保守類項目，因為初期財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你可以考慮盈富（2800）$4000。

另外再加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

到你有一定的知識及經驗後，才慢慢動用現金，這刻唔好心急。

其實，以你的年齡，財富仍有增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15546：

龔成老師，我27歲澳門人，收入為2萬6，每月可儲1萬3，有以下問題向你請教：

1. 由於在澳門買月供股票成本較高，月供一隻一年成本約為760元。請問我應該分幾注買入一隻股，還是應該選擇月供一隻?

2.如果選擇只選一隻月供，應該選哪隻比較好? 供多少錢會較合理?

3.如果買盈富基金，多少錢為平宜區?在平宜區是否一次過買入，還是月供較好?

4. 早前於78.1買了200股領展，現在應該再等低位買多200股，還是轉月供較好?
謝謝老師

龔成老師：

1）如果月供的部分，就集中在盈富（2800）。至於其他個股，就以一手手的模式進行。

2）你可以供盈富$5000，餘下現金，就投資其他股。

3）$24以下是平宜。如果去到這個入，就可以動用之前儲起的現金去投資。

4）如果領展（0823）已佔你組合一定的比例，就唔好心急入，等落多一定水平先考慮，不要太集中在單一股票。

------------------------------------------------

Q15547：

老師，你好我是新手股民。

我之前2月10日購入金沙（中國）購入價$38.6 ，買了4000股，另外2月11日購入長江基建購入價$54.5，買了3000股。

剛好遇到跌市，我最近置業需要一筆現金比首期，最少需要放一隻股票套現，我打算賣出長江基建，因為好似跌幅不是太嚴重，唔知我的想法對不對？請求老師的高見

金沙中國已跌咗$2.x 是否應繼續持有呢？

龔成老師：

如果你置業要資金，就要賣出股票，我地投資股票，一定是長期的，如果中短期該資金有用，就一定唔會投資股票！

如果要賣，就賣長建（1038）。

在正常情況（即是不急於套現），我地買入股票後，一定會長線持有，唔會理會中短期股價，只會集中企業的長期價值。

------------------------------------------------

Q15548：

龔成你好呀，想問下你意見。

本人今年28歲，月入1萬8。月儲5千。現時資金約40萬，想3年內儲到100萬，而家做開股票期權黎賺期權金，當無貨時做港交所short put賺期權金

接到貨就做long put 賺期權金，每月賺到0.5-2%不等，賺到的錢繼續作投資,想問這樣投資合適嗎，還是月供股票比較適合？謝謝

龔成老師：

我唔評論投資期權的策略，我只可以話比你聽，過往我做銀行及證券行，見不少散戶都做類似的野，長遠計，10個有9個輸。

月供股票並不是快速賺錢的方法，但長遠來說，已可以幫你財富穩步增值。

------------------------------------------------

Q15549：

老師你好！我今年34歲，月入8.5萬，每月除支出後可儲5萬（但因早前有tax loan, 所以本年內每月只儲1萬）, 資產如下：

- 現金95萬 （其中15萬為人民幣，15萬為美金）
- 定息基金40萬（30萬為股債混合基金，另外10萬為美債基金）

- 股票約50萬
2318 2000股
66 500股
823 500股
1830 20000股
6823 4000股
2601 3400股
450 60000股

想請教老師的意見我應如何分配資金？另外針對投資，有價值分析及技術分析兩說，我較偏好價值分析，但價格重大變動有時候會導致作出錯誤決定

因此有一段時間較偏好高息股但蝕價，想請教老師如何有合適心態以致我能達致長線增值及在5年內能置業，謝謝！！

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

對你來說，定息基金未必是最好的選擇，因為這刻應該集中「增值」。

至於上述的股票，基本上都是可投資的，方向無問題，不過，建議加上盈富（2800），會令組合更平衡。

你在投資上的問題，主要是選股及估值，第一，選股可以你只貪表面，例如股息，而無仔細了解企業。另外，無計算過企業的平貴價值，這就難以在平宜價買入，無法創造到高回報。

如果你想5年置業，投資方向應是平穩增長型，同時要好好善用現金。建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15550：

請問我月供一隻股票，供到我要放隻股票時，最後會有碎股，碎股會如何處理？

龔成老師：

一般會長期月供，先有效果，例如5年以上。所以，一般都累積到一定的數目。

其實碎股都可以賣出的，唔需要擔心，只要低少少價位就賣到。

同時，有些銀行比你「月供得到的碎股，可以用正股價去放」。

------------------------------------------------

Q15551：

老師！你好，自從我睇咗你嘅書，簡直如獲新生，而家不斷去追你嗰啲書去學習改變自己。我都係80後，不過如果早五年知道你嘅出現，人生故事可能從此不一樣！

我係澳門人，35歲，收入大約5萬，有2層物業，已供完一層，另外一層每月供約25000，市值約600萬，仲要供15年，基金加儲蓄商品每月約4000，諗住直至60歲退休先攞

一直睇你嘅建議我另外每月供股票13000分別係比亞迪，盈富，港鐵，領展，同銀河！其餘扣除洗費再儲約3000現金！

我一直知道夢想係需要錢來建立嘅，但係到今年已經35歲，就發覺原來我用咗10幾年做一份自己唔鍾意做嘅工，每日行屍走肉，所以決要追尋我嘅夢想-去外國留學！

如果我想建立財務自由，每月有約2萬被動收入來維持我嘅生活，可以點步署？

仲有我好想讀你既班，本身商科畢業加係會計師事務所做過，有基本財務知識，咩班適合我呢？

龔成老師：

要財務自由，就要用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

如果你想每月有$20000被動收入，一年就是$24萬，假設到時投資收息股6%，要求資金就是$400萬。你可以用這作為目標。

其實你現時的情況，要財務自由只是時間問題，你保持投資股票就得。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

例如盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

由於我的【投資倍升股課程】進階班，有部分要求你有基礎班的知識先得，因為我除了會講基本的價值投資法外，同時有一些獨門的實用應用方法，因此，我會建議你先講基礎班。

------------------------------------------------

Q15552：

老師，月入 42000 ; 扣家用 10000，基金8000，儲蓄保險2000，等等.. 每個月只儲到9000..

現時基金戶口都係賺緊錢，有60萬..

對現在冇現金嘅我嚟講，最好應該係供少啲基金或喺基金拎錢出黎月供股票..

但現時跌市，係咪應該趁現在買入優質股定都係月供呢...

另外，現時5萬喺股票戶口是大概這樣分配：
希慎 (0014) 29.45 1000股 （跟老師）
中生 (1177) 11.54 1000股（跟老師）
景業名邦 (2231) 3.23 2000股

依排跌到咁唔敢入住..

請老師指教
只怪我理財理得太遲.. 現在32先由零開始我現在反而要儲錢上你堂

龔成老師：

有心唔怕遲，我收到唔少問答，佢地50歲先開始理財，其實就真係好遲，做到的野唔多。所以，你而家加緊努力就得，到你50歲時，一定會多謝30歲的你！

如果你這刻無乜現金，其實應該加強翻，因為大市未去到平宜，並不是100%貨的時候，你要盡力儲多少少現金。

至於基金，你現時比例較多，其實唔應該再增持太多，這刻組合偏重左。

留現金，等機會，增加翻股票比例，方向是平穩增長股，小注潛力股，已經是最好的策略。

------------------------------------------------

Q15553：

成老師：我本人35歲，本身很早$70買入匯豐，現價見$5X。手頭約20萬現金，分析過匯豐近年派息好穩定，只係外圍銀行問題而引致股價有所影響。

請問我現在應該再買入匯豐 定還是 選擇其他優質股票?

龔成老師：

你35歲，其實應該將較多財富，投入一些增長力較強的項目，匯豐（0005）只是收息股，增長力不強，對你來說未必是最好。

另外，同一隻股票唔應該佔你比重較多。

如果你真的好想收息，加上持股唔多，你可以想：這是一筆新資金，這筆資金唔打算增值，而收這個股息，是否可符你的投資目標。

------------------------------------------------

Q15554：

你好呀！希慎興業呢隻股，你話預佢跌多D先係便宜區，依加可以選擇分注咁入。

想問下呢類股係屬於水桶幾的，因為想做好分配。現時25 歲，由於你書中有提過不宜在這階段持有水桶3類股票太多，所以想請教一下～

龔成老師：

希慎（0014）是水桶2類別的股票，是平穩增長類，最近香港零售市道差，對佢中短期影響大，因此股價受影響。

但只要長線分析，佢的質素仍在，因為現時只是面對中短期不利因素。

你25歲，可投資水桶2及水桶1的股票，這股可以是其中一員。分注入可以，但一定要同時留有現金。

------------------------------------------------

Q15555：

Hello, 龔sir, 我想問#778 同 #435, 現價那個較好

龔成老師：

以平貴度分析投資值博率，兩隻都好接近。

置富（0778）會比較穩陣，因為組合內的民生類較多，這受經濟週期影響相對較少。而陽光（0435）則部分是民生商場，部分為寫字樓，所以風險度比置富略高，不過都好優質，其實都好穩健的。

------------------------------------------------

Q15556：

龔成老師：你好，朋友問我有冇興趣買市區的士牌，可做85% 按揭，現價約480 萬...

請問你認為買的士牌定買樓好啲呢？

另外，見你近期都話大市喺合理區...我心大心細，買1038 定66 好，兩隻你都有推介，請問暫時有冇話邊隻好少少？我打算分注入，謝謝

龔成老師：

的士牌，你預無乜增長力，只是集中收租方面，中短期會因肺炎而影響租金，但長遠仍是穩定，不過就無乜增長力。

至於買樓，長遠有較大的增長力（不是高增長，但算是有基本增長力）。除非的士牌再進一步下跌，否則，這刻以投資值博率計算，物業會略好。

至於股票方面，港鐵（0066）會較好，中短期可能會弱，但長期不差。

------------------------------------------------

Q15557：

你好，月供股票 盈富基金 港交所 中銀 如果萬5點分配好？

龔成老師：

盈富（2800）$7000。港交所（0388）、中銀香港（2388）、各$4000。

唔好理中短期股價，保持長期進行就得。這都是有質素，可月供的股票。

------------------------------------------------

Q15558：

sir, 3175 可以買博反彈嗎

龔成老師：

Ｆ三星原油期（3175）基金之投資目標為追蹤標普高盛原油額外回報指數之表現。

短期油價，好難分析，至於中期，相信會由於全球經濟轉弱，表現只會一般。

這基金唔易玩，唔建議博反彈等動作，因為好難準確捉到個位。

------------------------------------------------

Q15559：

老師 5號仔應唔應該買入
我見價位都越嚟越低

如果我想買黎收息
應該再等下定係最近就買入

龔成老師：

匯豐（0005），賺錢能力與增長力，比過往減弱。但不是劣質。

這股適合收息，如果你的目標是收息，可投資，現價合理，但你預佢增長力弱，唔好對股價有太大期望。現價合理，但唔算平，不會太大注。

------------------------------------------------

Q15560：

老師，您好！
想做月供股票
每月$8000-$10000

盈富是首選
其他，還可選甚麼組合呢？

現金都有一百萬，其中五十萬做了三個月定期，另外五十萬也想做三個月定期。
另外，還有三十萬現金流。

請問，能夠給我些意見嗎？
有一個讀中五的孩子。
我和丈夫的薪金都不算高。

龔成老師：

盈富（2800）是首選，因為這是一個50股的組合，質素不差，加上有平衡風險的效果。

你可以每月盈富$5000，另外再加2隻（每隻$2500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

反而，你現時大多資金做了定期，可能你地是低風險投資者，但都應說嫉建立一個平衡的組合，提高回報。

例如你可將小部分資金，以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

另外，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。